Numrit të çifteve të showbiz që po divorcohen i shtohet dhe motra e Beyonce. Vetë Solange Knowles ka bërë të ditur në Instagram se pas gati 5 vitesh i ka dhënë fund martesës së saj.
Solange shkruan se ajo dhe bashkëshorti i saj Alan Ferguson janë ndarë paqësisht në fillim të këtij viti.
“11 vite më parë takova një njeri fenomenal që ndryshoi çdo ekzistencë të jetës time, por në fillim të këtij viti ne u ndamë”, shkrun këngëtarja ndër të tjera në postimin e saj.
Këngëtarja nuk ka zbuluar arsyen e ndarjes, megjithatë mediat e huaja shkruajnë se ajo e ka tradhtuar bashkëshortin me menaxherin e saj.
Por për të hedhur poshtë zërat Solange ka bërë një deklaratë ku thotë se interneti gënjen dhe tradhtia nuk zë fare vend në ndarjen e saj.