Fisi Rraja rikthehet sërish në qendër të vëmendjes mediatike vetëm një vit pas rastit të “Xhisielës”, ku u përfshi djali i deputetit Rrahman Rraja. Këtë herë bëhet fjalë për kushëririn e tij i dyshuar si një prej atentatorëve ndaj prokurorit Arjan Ndoja.
Vetë Rraja ka folur për mediat për lidhjen e tij me Redjanin. “Baba im me gjyshin e Redjanit janë vëllezër prej babai, sepse gjyshi im ka qenë i martuar me dy gra”, ka sqaruar deputeti.
Ai tha se Redjani ka një klinikë dentare në Fushë Krujë dhe nuk ka jetuar në Nikël, ndërkohë që ka qenë në Kanada me familjen dhe është rikthyer sërish.
Deputeti Rraja thotë se për herë të fundit me Redjanin është takuar tre muaj më parë. Ai dënon ngjarjen e rëndë duke u shprehur: “Ngjarja e rëndë në Shqipëri aq më tepër për një nga fisi Rraja del aty dhe identifkohet për diçka kaq të rëndë”, është shprehur ai.
