Ka përfunduar mbledhja e Kryesisë së Partisë Socialiste, mbledhje e thirru një ditë para raundit të katërt për zgjedhjen e presidentit të ri në vend.
Edhe pse ende asnjë zë zyrtar nuk ka konfirmuar emrat që janë propozuar për presidentit të ri, deri më tani emri më i lakuar brenda së majtës është ai i Ilir metës, i cili ka marrë edhe 18 firma të deputetëve të majtë.
“Janë filluar disa negociata dhe një përfaqësi e kryesor nga kreu i partisë u takua me përfaqësues te aleatëve LSI, me të cilët u njohëm me dy propozime me propozimin e Petrit Vasilit dhe atë tjetrit, të Ilir Metës. PS pasi u njoh me propozimet vendosi në unanim nga këto dy kandidaturat të mbështesë kandidaturën e Ilir Metës dhe nesër në mëngjes do të mblidhet edhe grupoi i PS që sipas statusit do të miratojë propozimin e ardhur nga PS”, tha Balla në përfundim të mbledhjes së Kryesisë.
Më herët edhe LSI mblodhi grupin parlamentar të saj, ku doli edhe emri i Petrit Vasilit si i mundshmi që do të propozohet për presidentit, përveçse dhe i kreut të partisë, Ilir Metës. /TiranaNews/