Edhe pse jemi në fillim të Nëntorit, në juglindje janë shënuar reshjet e para të deborës.
Ulja e temperaturave gjatë ditëve të fundit është shoqëruar me reshje të pakta bore në lartësitë mbi 1 mijë metër mbi nivelin e detit.
Reshje më intensive ka pasur në Malin e Gramozit në Kolonjë, ku trashësia e borës ka qenë mbi 10 cm.
Nga bora nuk ka pasur probleme për qarkullimin e mjeteve në akset nacionale dhe ato dytësore të Qarkut të Korçës.
Sinoptikanët bëjnë me dije se temperaturat kanë rënë deri në 3 gradë në orët e para të mëngjesit në fundjavë.