Sekretari i Naltmadhërisë Gjenço Naçi: “Me Mbretin Zog, në mërgim”

Botohen për të parën herë kujtimet e sekretarit të Mbretit Zog, Gjenço Naçit

Gazetari Ilir Ikonomi shkruan se: “Gjenço Demetre Naçi na sjell një rrëfim të rrallë për Mbretin Zog në mërgim. Është i rrallë sepse është autentik dhe vjen nga një njeri që i ka përjetuar ngjarjet vetë, i pandikuar nga persona të dytë ose të tretë. Kujtimet gjithnjë kanë një dozë subjektivizmi, por libri i Gjenço Naçit përmban një vlerë të shtuar që nuk e kanë të tjerët: Autori i gjykon ngjarjet nga pozitat e një kritiku dhe nuk rrëzohet në humnerat e lavdeve. Ai është i besueshëm, flet lirshëm dhe qorton aty ku duhet.” Në fundjavë libri “Me Mbretin Zog, në mërgim” do të jetë në qarkullim për lexuesit.