Policia e Kukësit ka marrë një telefonatë nga një shtetas nga fshati Turaj, Topojan, se fëmija ishte i sëmurë dhe kërkonte ndihmën e Policisë për ta transportuar për në spital. Rruga për në fshatin Turaj ka dëborë e akull.
Menjëherë shërbimet e Komisariatit të Policisë Kukës me një fuoristradë janë nisur në drejtim të fshatin Turaj.
Policia ka transportuar me mjetin e Policisë, fëmijën bashkë me familjarët në spitalin rajonal të Kukësit.
Vogëlushi po merr mjekim dhe ndodhet jashtë rrezikut për jetën.
Policia e Shtetit në shërbimin tuaj, për çdo problem që mund të keni telefononi në 112 apo dërgoni imazhe në aplikacionin “Komisariati Dixhital”, duke ju garantuar reagim në kohë.