Pasi Arta Vorpsi u betua tek noteri si anëtare Gjykatës Kushtetuse, Nënkrytari i KQZ-së Denar Biba ka reaguar ndaj këtij veprimi.
Ai e cilësoi veprimin e Vorpsit si shfaqje të njëanshme të vullnetit të saj për të treguar se merr përsipër këtë angazhim të jashtëzakonshëm.
Lexo këtu: PS “distancohet” nga Arta Vorpsi: Noterizimi, veprim i njëanshëm i saj
“Me siguri, ky veprim i Artes, i vetedijshem, eshte thjesht shfaqje e njeanshme e vullnetit te saj per te treguar se merr persiper kete angazhim te jashtezakonshem, qe Kuvendi dhe koha ia ngarkoi.”- shkruante Biba në facebook.
Duke e cilësuar si veprim të vetëdijshëm betimin tek noteri nga ana e Vorpsit, nuk dihet nëse i vetëdijshëm apo i ‘pavetëdijshëm’ mund të konsiderohet veprimin i Bibës për fshirjen e statusit në rrjetin social facebook, vetëm pak minuta pas publikimit.
Nuk dihen ende shkaqet e këtij veprimi, pra, nëse Zv.kryetari i KQZ-së e ka fshirë statusin me dëshirë apo i detyruar pas konsultimeve me forcën politikë që ai përfaqëson.