Presidenti Ilir Meta deklaroi se ditën e hënë do të depozitojë kallëzimin penal kundër kreut të KED-së Ardian Dvorani për shpërdorim detyre. Kreu i shtetit sqaroi edhe arsyet se ku sipas tij Dvorani shpërdoroi detyrën në lidhje me listat për anëtarë të Kushtetueses.
“Ditën e hënë do të bëj kallëzim penal si President kundër zotit Ardian Dvorani me detyrën kryetar i KED-së me adresë gjykata e Lartë. Unë presidenti akuzoj Dvoranin për këto vepra; shpërdorim detyre dhe përvetësim i titullit apo detyrës shtetëtore, baza ligjore kushtetuta e Shqipërisë.
Të nderuar zonja dhe zotërinj prokurorë.
Veprimet dhe mos veprimet e Dvoranit kanë cënuar procesin e zgjedhjes së anëtarëve të Gjykatës Kushtetuese. Pasi kam konstatuat veprimet dhe mos veprimet, ato përbëjnë vepra të qarta penale, bazuar në nenet 281 Presidenti parashtron këtë kallëzim me qëllim fillimin e hetimeve për shpërdorim detyre dhe përvetësimi detyrës shtetëtore apo titulli. Gjatë detyës ai me dashje ka shpërdoruar funksionon dhe ka marrë përsipër të realizojë një akt mafioz” deklaroi ai.