Sot në Bashkinë e Matit kanë nisur dëgjesat publike për buxhetin e vitit 2020. Kryebashkiaku Agron Malaj, vartës të tij dhe drejtues të institucioneve qëndrore në nivel vendor kanë bashkëbiseduar me banorët e Njësive Administrative Komsi e Lis.
Kryetarë të 15 fshatrave dhe banorë të ndryshëm ngritën shqetësimet e tyre që lidhen me gjendjen e rrugëve, veprave vaditëse, ujin e pijshëm, mbetjet urbane, ujërat e zeza, asfaltimin e rrugëve, etj.
Në përgjigje të shqetësimit të banorëve të fshatrave Muzhakë, Gërman, Batërr e Vogël dhe e Madhe, Midhë, Frankth, Zallë Shoshaj, Mallunxë, Zenisht, Shoshaj, Burgajet, Lis, Gjalish e Vinjoll, kryetari i bashkisë Agron Malaj tha se bashkia e Matit trashëgon një borxh të madh për shkak të keqmenaxhimit dhe abuzimit me fondet. Ai tha se përgjegjësit do të kallëzohen në prokurori për shkeljet ligjore dhe abuzimet me buxhetin e Bashkisë së Matit. /tirananews.al/
