Dy të rinj arrestuan, pasi u kapën me 42 doza me lëndë narkotike kokainë e kanabis, lekë dhe euro të përfituara nga shitja e lëndës narkotike në doza.
Personi A. Xh., 24 vjeç, banues në Tiranë, u kap në flagrancë në rrugën “Hamdi Cenoimeri”.
Më pas shërbimet e policisë kanë ushtruar kontroll në banesën e tij, ku i janë gjetur doza të tjera me lëndë të dyshuar narkotike kokainë e kanabis.Policia i sekuestroi 3 doza me lëndë narkotike kokainë, 31 doza me lëndë narkotike kanabis dhe 1 aparat celular.
Gjatë një operacioni tjetër u arrestua personi G. L., 21 vjeç, banues në Rrëshen.
Ai po lëvizte me makinën, ku iu gjetën 8 doza me lëndë narkotike kokainë, një aparat celular, 34 400 lekë të reja dhe 315 euro, të cilat dyshohen të përfituara nga shitja e dozave me lëndë narkotike.Sipas policisë, materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Prodhim dhe shitje lëndësh narkotike” në ngarkim të dy personave.