Ekrani i harkuar në anët e tij ka qenë një karakteristikë e telefonëve smart Galaxy të Samsung, duke nisur që nga Galaxy 6.
Por sipas raportimeve të fundit të mediave ndërkombëtare që merren me risi teknologjike, në telefonin Galaxy S11 ekrani nuk do të jetë i tillë.
Sipas burimeve të vetë kompanisë, do të ketë një kornizë ekrani akoma edhe më të hollë sesa Galaxy Note 10. Duket se pas ankesave të shumta të përdoruesve, se shtypnin pa dashje pjesën e lakuar të ekranit, kompania ka vendosur të heqë dorë.