Prokuroria e Krimeve të Rënda ka kërkuar 21 vite burg për Arbën Çekajn, biznesmenin e bananeve në kontejnerët e të cilit u gjetën 613 kg kokainë.
Nga gjykimi i shkurtuar Çekaj dënohet me 14 vite burg, ndërkohë që ka folur në sallën e gjyqit pas dhënies së pretencës.
“Jam këtu për të fshehur një grup kriminal shumë të famshëm”, tha Arbër Cekaj gjatë seancës gjyqësore, duke kundërshtuar akuzat ne ngarkim te tij.
Ai më tej pretendoi se prokuroria ka arrestuar tri persona, vetëm që të krijoje një grup kriminal.
“Kjo bëhet për të gënjyer autoritet italiane se operacioni përfundoi, që të gënjenin ambasadorët e huaj se prokuroria po punon e pavarur”- ka thënë ai.
Ndërkohë, për Donaldo Lushajn, menaxher i kompanisë, organi i akuzës ka kërkuar 16 vite burg, ndërsa nga gjykimi i shkurtuar ai do i duhet të kryejë 10.8 vite, kurse për Armando Pezakun, shoferin e kamionit, është kërkuar 8.8 vite burg.