Nesër mbrëma do të rinisë edicioni i tretë i “The Voice Kids”, me audicionet e fshehura. Edhe këtë vit pjesë e jurisë do të jenë Miriam Cani, Renis dhe Aleksandër Gjoka. Padyshim supriza e këtij viti ishte pjesëmarrja e këngëtares Arilena Ara, figurë e cila gjithashtu doli nga një talent show.
Për disa sezone rresht ky program ka qenë nën moderimin e Ledion Liços, por tani jo më. Do të jetë Dojna Mema ajo e cila do të zërë vendin e tij. Por jo vetëm kaq, pasi një tjetër emër do t’i bashkohet këtij spektakli.
E kemi fjalën për Xhesi Muçaj e cila aktualisht moderon “Pop Culture dhe “Top Awards”, që transmetohen në Top Channel. Ajo do të drejtojë në “Voice Room”.