Partia Demokratike e Kosovës është shprehur e gatshme që menjëherë ta tërheqë lëndën në Gjykatën Kushtetuese për konstitutimin e Kuvendit, por vetëm nëse Vetëvendosje zotohet se do të votojë ligjin për ndryshimin e Ligjit për Dhomat e Specializuara. Kështu ka deklaruar nënkryetarja e PDK-së, Vlora Çitaku.
“Nëse LVV zotohet publikisht se do ta votojë Projektligjin e dorëzuar sot për ndryshimin dhe plotësimin e Ligjit për Dhomat e Specializuara, do të marrë përsipër mbulimin e plotë të shpenzimeve të mbrojtjes dhe do ta trajtojë këtë proces me përgjegjësinë e duhur shtetërore, ne jemi të gatshëm t’i tërheqim lëndët nga Gjykata Kushtetuese qysh nesër”, tha Çitaku.