Pas deklaratës së Departamentit amerikan të Shtetit, nënkryetari i LSI-së, Luan Rama, thotë se është plotësisht dakort me këtë Departament, i cili thotë se respektimi i ligjit është mbi të gjitha.
Luan Rama thotë se Shqipëria nuk ka rrugë tjetër përveç zbatimit të Kushtetutës, duke kërkuar që politika të rrijë larg reformës në drejtësi.
Reagimi:
Plotësisht dakord me Departamentin Amerikan të Shtetit! Asnjë dilemë, asnjë mëdyshje. Plotësisht dakord me Departamentin Amerikan të Shtetit: “respektimi i ligjit është mbi të gjitha”.
Shqipëria nuk ka rrugë tjetër përveç zbatimit të Kushtetutës dhe përshpejtimit të ritmit të reformave të integrimit evropian, në partneritet të plotë dhe strategjik me SHBA. Larg duart e politikës nga reforma në drejtësi, larg duart nga Gjykata Kushtetuese!