Kryeparlamentati Ilir Meta, njeheresh kreu i LSI-së, që pas pak orësh pritet të votohet në Kuvendin e Shqipërisë si Presidenti i ri i vendit, rezulton figurë e pastër dhe pa asnjë pengese per kandidim.
Pak orë para votimit në Kuvend të Presidentit të ri të vendit, Ilir Meta është çertifikuar nga dy institucione të pavarura për pastërtinë e figurës së tij.
Ai rezulton pa dosje nga koha e komunizmit dhe pa probleme me dekrimianlizimin.
Sekretarja e Përgjithshme e Kuvendit, Albana Shtylla i kërkoi Autoritetit Shtetëror të Dosjeve zyrtarisht që të verifikonte kandidatin për President, Ilir Meta.
Kërkesa është bërë dje në mbrëmje, ndërsa sot drejtuesja e këtij institucioni, Gentiana Sula ka thënë se Ilir Meta rezulton i pastër dhe nuk ka asnjë pengesë ligjore për të kandiduar.
Çertifikimi ka ardhur edhe nga Komisioni Qendror i Zgjedhjeve, që kujdeset për çështjen e dekriminalizimit./TiranaNews/