Asnjë njeri nga ata që kanë mbetur në rrënojat e vilës së familjes Lala nuk është nxjerrë ende nga rrënojat.
Dorjana Bezat, gazetarja e News 24 në një raportim live thotë se të afërmit i kanë rënë njërit prej telefonit të personave që janë nën rrënoja dhe dëgjohet zilja. Pavarësisht se askush nuk është përgjigjur, kjo ka ngjallur shpresat për të gjetur gjallë persona të mbetur brenda.
Ndërkohë që një nga ekspertët italianë që ka mbërritur aty ka kujtuar për median tërmetin në Aquila të Italisë, ku tha se u gjetën njerëz të gjallë edhe pas 72 minutash. Operacioni i kërkim-shpëtimit vijon, me shpresën për të gjetur njerëz të gjallë.
