Tërmeti në Shqipëri është si ai i Umbrias. “Toka do të lëkundet për muaj e për vite”, thotë sizmologu italian Alessandro Amato. Eksperti flet në një intervistë për Corriere duke konfirmuar se “është shmangur një tsunami”.
“Me një magnitudë të tillë mund të ishin dhe 300 viktima. Nuk mund të thuhet se ka qenë mirë, po sigurisht që mund të shkonte dhe më keq”, ka thënë Amato.
Eksperti shton se “zona ishte aktive prej disa muajsh, njësoj si ai i gushtit në Amatrice me një magnitudë 6.0, që u ndoq nga ai i 30 tetorit me magnitudë 6.5 (si ajo e Durrësit). Apeninet dhe Alpet Dinarike janë dy anët e të njëjtës pllakë, pllakës adriatike, një bashkim blloqesh gjeologjike që spostohet drejt veriut dhe rrotullohet në sensin kundërorar. “Zgjaten” Apeninet dhe nga ana tjetër ngjeshen Dinariket”, ka thënë ai.
