Ish-drejtori i Institutit të Sizmologjisë, Shyqyri Aliaj i ftuar në emisionin “Arena” në RTV Ora u shpreh se në Shqipëri ka disa breza tërmetor, por më kryesori është tërmeti bregdetar që shkon nga Vlora, në Shkodër dhe vazhdon bregdeti Dalmat.
Shyqyri Aliaj tha se: “Në Shqipëri ka disa breza tërmetor. Por brezi më kryesor i tërmeteve është ky bregdetar që shkon nga Vlora, në Shkodër dhe vazhdon bregdeti Dalmat. Ky është rajoni më i prekur nga tërmet dhe rrezik më të madh. Është i tillë për arsye se në detin Adriatik kanë kontakt dy pllaka. Pllaka afrikane që zhytet nën pllakën Euroaziatike, toka jonë malet, kodrat. Duke e shtypur atë krijohen sforcime në këtë zonë dhe këtu akumulohen tërmetet. Ato akumulohen për një periudhë të gjatë, e tillë që e shkatërron shkëmbin edhe pse në det”.
