Vendi ynë u lëkund nga një tërmet i fuqishëm që mori jetë njerëzish. Pas kësaj fatkeqësie natyrore, është normale që të gjithë të jenë të shqetësuar për sigurinë e familjes së tyre dhe për atë çfarë do të ndodhë më pas.
Dritare.net ju sjell më poshtë disa këshilla që ju duhet t’i ndiqni patjetër pas një tërmeti, për t’u qetësuar!
Sjellja me fëmijët
-Bisedoni me fëmijët dhe adoleshentët për mënyrën sesi ata ndihen dhe si janë ndikuar
-Jepni përgjigje të thjeshta dhe të sinqerta
-Jini të gatshëm të diskutoni detaje të njëjta disa herë
-Sigurohuni që ata të kuptojnë që nuk janë fajtorë për atë çfarë ka ndodhur
-Lërini ata të kuptojnë se të rriturit jo gjithmonë dinë arsyet pse ndodhin gjërat
-Bëhuni mbështetës, të dashur dhe solidarë
-Inkurajoni të përfshihen në lojëra të ndryshme popullore
LEXO DHE : Video/ Dëmtimi i Spitalit të Durrësit nga tërmeti, specialistët italianë shkojnë për monitorim
Si të kujdeseni për veten!
Njerëzit kanë mënyra të ndryshme sesi shprehen pas një tërmeti. Disa mund të flasin shumë pak për ngjarjen, ndërsa të tjerë flasin shumë.
Prandaj ju duhet të;
-Veproni gjithmonë në mënyrën sesi ndjeheni, sepse vetëm kështu do të jeni më të qetë.
-Qëndroni të lidhur me të afërmit e tjerë, familjen, miqtë, fqinjët etj.
-Flisni për mendimet dhe ndjenjat tuaja
-Menaxhoni jetën me punën, familjen dhe nevojat personale, sepse gjithçka më vonë do të normalizohet.
-Jini sa më aktivë fizikisht dhe flini gjumë
-Kujdesuni për të prekurit nga tërmeti
-Qeshni kur të mundni. Reflektoni për gjërat e mira të jetës
-Jini të durueshëm. Mbani parasysh se do rimerrni ekuilibrin dhe qetësinë e jetës./ dritare.net