Tri ditë pas tërmetit katastrofal të 26 nëntorit prokuroria e Durrësit ka regjistruar çështje penale për shkatërrimet e mëdha që solli kryesisht në këtë qytet.
Veprat penale për të cilat ka nisur hetimi janë “Ndërtim pa leje” apo ndërhyrjet e bera në ndërtesat e dëmtuara si dhe “Shpërdorim detyre” për zyrtarë dhe inspektorë të ndërtimeve pas tërmetit të parë të fortë që ndodhi më 21 shtator.
“Më datë 29.11.2019 Prok. Durrës ka regjistruar çështjen penale që i referohet tërmetit të datës 26.11.2019 ku si pasojë e tij janë shembur një numër ndërtesash që kanë shkaktuar vdekjen e një numri personash. Për këtë dyshohet se pasojat kanë ardhur si shkak i ndërtimeve pa leje dhe të moskryerjes së detyrës nga inxhinierët zbatues dhe personave pergjegjës si dhe nga mospërmbushja e rregullt e detyrës nga nepunësit shtetëror të ngarkuar me mbikqyerjen e këtyre ndërtimeve.
Çështja është regjistruar për veprat penale; “Ndërtim pa leje”, dhe “Shpërdorim detyre”, parashikuar nga nenet 199/a, 3 dhe 248 k.penal”, njofton Prokuroria e Durrësit.
