Prokuroria e Tiranës i kërkon bashkisë së kryeqytetit të listën e plotë të banesave të prekura nga tërmeti dhe ku janë konstatuar dëmtime, si dhe i kërkon të informohet dhe të mos veprohet me shembjen pa u bërë më parë hetimet.
Sipas kerkesave qe disponon Panorama, e para mban datën 27 nëntor dhe e dyta 2 dhjetor.

Sipas shkreses se dyte drejtuesja e Prokurorisë së Tiranës Elizabeta Imeraj i ka lënë afat bashkisë deri më 5 dhjetor që të depozitojë të gjithë informacionin mbi këto ndërtesa.

Shkresa e dyte
Prokuroria porosit bashkinë dhe policinë që të mos kryejnë asnjë veprim pa praninë e prokurorëve.
“Për nevoja të kryerjes së veprimeve hetimore në fuksion të procesit penal kërkojmë.
1- Listën e plotë të ndërtimeve (banesave) të evidentuara nga ana juaj si të prekur nga tërmeti dhe për të cilat janë konstatuar dëmtime
2- Për çdo lloj situate në të cilën është konstatuar dëmtim dhe është vendosur prishja e ndërtimit, të njoftohet paraprakisht Prokuroria e cila vë në dispozicion grupin hetimor me qëllim kryerjen e hetimeve.
3- Dokumentacionin e plotë tekniko-ligjor të ndërtesave apo banesave në të cilat janë konstatuar dëmtime nga tërmeti”.
