Kryeministri i vendit Edi Rama ka bërë inspektime në QSUT për dëmet e shkaktura nga tërmeti i 26 nëntorit. Në këtë inspektim ai ishte i shoqëruar nga ministrja Ogerta Manastirliu, të cilët i dha urdhër që të mos lejohen më qytetarët të futen në oborrin e spitalit të QSUT-së, pasi gjendja atje duket si stacion treni.
Ndër të tjera ai ka takuar në spital një mikeshë të vjetër të tij, një doktoreshë, ku theksoi se është rritur me të.
“Tani do të doja rrugë që të mbyllet kjo lloj situate, këta si stacion treni këtu, si stacion vaporash që rrinë njerëzit. Duhet të mbyllen përfundimisht disiplimini brenda është shumë mirë mirë, tani duhet të bëhet kjo jashtë, që nuk duhet të hynë në një oborr spitali, se kjo nuk ndodh në asnjë vend të botës, është katastrofë kjo tani. Mirë doktoreshë, e kemi pasur një marrdhënie të fortë fëmijërie dhe jemi rritur bashkë. Doktoresha ka qenë e gjatë, luante basketboll a futbooll, çfarë luante”, u shpreh Rama.
Tërmeti i 26 nëntorit rezultoi tragjik, pasi humbën jetën 51 persona, mbi 900 të tjerë u lënduan dhe 47 u nxorën gjallë nga rrënojat. Ky tërmet shkaktoi edhe shumë dëme materiale, mijëra banesa janë dëmtuar dhe për këtë Rama ka ngritur Komitetin e Rindërtimit. Në total personat e prekur nga tërmeti janë rreth 13 mijë