Tërmeti i 26 nëntorit ka dëmtuar dhe disa institucione publike, e mes tyre dhe Prokurorinë e Tiranës dhe Gjykatën e Lartë.
Më të rrezikuarat në këto institucione janë arkivat ku numërohen me mijëra dosje. Prokuroria e Tiranës i ka zhvendosur dosjet e arkivit në katin e parë, për shkak të dëmeve nga tërmeti, duke gjetur brenda institucionit një tjetër ambient të përshtatshëm.
Ndërkohë ajo që është problematike është Gjykata e Lartë. Janë rreth 34 mijë dosje që kanë mbetur në katin e pestë të godinës dhe që nuk ka ambiente ku të vendosen. Gjykata e Lartë pati krisje nga lëkundjet e forta sizmike dhe pritet të përcaktohet gjendja e saj nga aktet e ekspertimit.