Të dërgosh emaile të vjetra si lidhje në një mesazh të ri të postës elektronike. Kjo është risia e vendosur nga Google në shërbimin e saj të postës Gmail, që jep një alternativë për të shkarkuar apo dërguar emailin diku tjetër.
Ky funksion i ri që vjen në versionin desktop të Gmail ka si qëllim të lidhësh një apo më shumë emaile që ju kanë mbërritur në një email të ri.
Ky opsion quhet “dërgoje si lidhje” dhe për ta përdorur mjafton të tërheqësh emailet e vjetra në brendësi të mesazhit të ri. Në këtë mënyrë shmang shkarkimin e tyre dhe ngarkimin në një tjetër email.
Siç shpjegon Google në një postim, funksioni është menduar për dërgimin e shumë emaileve, një situatë që është mjaft jokomode dhe humbje kohe se sa të dërgosh diku tjetër një mesazh të vetëm poste.
Një nga fushat ku mund të përdoret është për shembull në punë, kur një person i ri i bashkohet skuadrës apo merr pjesë në një projekt që ka nisur dhe duhet të jetë në dijeni të informacioneve dhe shkëmbimeve të mëparshme të emaileve.