Ingrit Gjoni është kthyer pas në kohë mbrëmjen e sotme duke publikuar një foto të saj kur ka qenë e vogël. Duke pozuar me veshjen e një balerinë, Gjoni duket se e ka dashur televizionin që e vogël.
“Kjo vogëlushe është Ingird Gjoni, 12 vjeç. Pretendon të konkurrojë regjisoren e njohur, Vera Grabocka. Madje ajo kërkon të jetë edhe stiliste edhe koreografe. Pas përfundimit të spektaklit të ’10 të diela Lambada’, ditët e fundit ajo ka filluar realizimin e spektaklit të dytë për banorët e lagjes numër 9 të Tiranës”, shkruhet bashkangjitur fotos së Gjonit e vogël të publikuar në gazetat e atyre viteve.
Artistja e ka ndarë me të gjithë këtë moment në ‘Instagram’, duke e shoqëruar me disa emoji të qeshurash për periudhën më të ëmbël të saj, kur ka qenë fëmijë. Kujtojmë se rrugëtimi i Ingritit në ekran është mjaft i gjatë dhe se ajo ka sjellë ndër vite projekte të ndryshme muzikore, të cilat kanë mbetur në memorien e njerëzve.
