Tregu i inteligjencës artificiale që “lexon” emocionet vijon të jetë në rritje, dhe tashmë ka një vlerë prej 20 miliardë dollarësh mes aplikacioneve që ndihmojnë në intervistat e punës dhe algoritmeve që përpiqen të kuptojnë nëse dikush gënjen, por autoritetet duhet ti ndalojnë pasi bazohen në supozime të gabuara shkencore.
Ky është përfundimi i raportit vjetor të AI Now Institute të Nju Jorkut, që e ka të parin në rekomandimet e tij për 2020.
“Kjo teknologji pretendon se është në gjendje të përcaktojë situatën emocionale duke interpretuar shprehjet e mikrofytyrës, tonin e zërit dhe madje edhe ecjen. Tani përdoret kudo, nga intervistat e punës tek spitalet, ku përdoret për të përcaktuar dhimbjen e përjetuar nga pacientët, në klasa ku përpiqet të gjurmojë se kush studentë po ndjekin mësimin më me vëmendje.Por nuk ka prova të tregojnë se ka një marrëdhënie kaq të ngushtë mes emocioneve që ndjehen dhe pamjes së jashtme të fytyrës”, thotë Kate Crawford, bashkëthemeluese e institutit për BBC.