Vijojnë debatet politike në lidhje me “clirimin” e rrugëve nga dëbora në Bashkinë e Dibrës. Deputetët dhe drejtuesit e Partisë Demokratike akuzojnë pushtetin lokal se nuk ka punuar sa duhet për nxjerrjen nga izolimi të banorëve të zonave të thella. Lura, Selishta, Kala e Dodës vijojnë të kenë më shumë probleme.
Sakaq drejtuesit e bashkisë sqarojnë se vazhdon puna e pandërprerë edhe përgjatë fundjavës për të zhbllokuar të gjitha rrugët rurale pjesë të Bashkisë Dibër.
Kryebashkiaku Muharem Rama sqaron se nga 141 fshatra në 15 njësi administrative,
pjesë të Bashkisë Dibër, janë hapur rrugët rurale për herë të dytë në 126
fshatra. Ndërkohë të gjitha mjetet vazhdojnë me kapacitet të plotë punën në
terren për të zhbllokuar edhe 15 fshatrat më të thellë.