Këtë vit “Festivali i 58 i Këngës” kishte pjesëmarrje nga emra më të njohur të muzikës shqiptare dhe fituese u shpall Arilena Ara me këngën “Shaj”, ndërkohë që vendin e dytë e zuri Elvana Gjata me këngën “Me Tana”.
Turjan Hysko duket se nuk ka qenë dakord me vendimin e jurisë për ndarjen e këtij çmimi. Fakti që Elvana nuk fitoi dhe Era Rusi nuk ishte në treshen, për Turin, juria nuk është treguar e drejtë dhe këtë ai e ka shprehur në Instagram.
“Era Rusi nuk ishte as në treshe. Elvana Gjata nuk fiton! Të keqen e ‘jurisë’”, ka qenë ky një nga shkrimet e tij në InstaStory.
Jo vetëm kaq, ai ka vazhduar të komentojë, duke shprehur një tjetë qëndrim të tij. “Për një gjë të jeni të sigurt! Europa do të kërcente me Elvana Gjatën! Iku mundësia prej ‘jurisë’!”, ka vijuar Turi.
