Flamur Beqiri u vra rreth orës 21:00 para shtëpisë së tij në Battersea, në jug-perëndim të Londrës para syve të gruas dhe fëmijës së tyre të vogël, ndërsa policia që shkoi menjëherë në vendin e ngjarjes, e shpalli atë të vdekur.
Scotland Yard vazhdon të apelojë për informacion pas vdekjes së 36-vjeçarit. Jamie Stevenson tha: “Hetimi ynë është në fazat e hershme dhe ne jemi ende duke punuar për të përcaktuar se cili mund të jetë motivi që ka çuar në vrasjen e tij në mënyrë të tmerrshme, në prag të Krishtlindjes, para familjes së tij”.
“Ata janë shkatërruar nga kjo ngjarje e tmerrshme dhe janë mbështetur nga oficerë të specializuar. Ne e dimë se viktima po kthehej në shtëpi me gruan dhe fëmijën e tij të vogël në mbrëmje, kur u qëllua vetëm në oborrin e shtëpisë. Sulmuesi pastaj iku me këmbë në drejtim të Urës Battersea“, shtoi më tej.
Stevenson i kërkoi kujtdo që arriti të shihte autorin që u largua nga vendi i ngjarjes të kontaktonte policinë.
Njerëzit që jetojnë pranë vendit të ngjarjes thanë se dëgjuan të shtëna të shoqëruara nga ulërimat e një gruaje që bërtiste “në mënyrë të dëshpëruar” për ndihmë.
Vittoria Amati, 60 vjeç, tha që kishte dëgjuar krisma armësh nga “tetë deri në 10” të shtëna të njëpasnjëshme.
Ajo tha: «Pastaj dëgjova ulërimat e gruas. Unë dola dhe kuptova se ishte një nga fqinjët e mi. Ai ishte shtrirë para derës së tij në një pishinë gjaku. Ai ishte akoma gjallë. Ne me të vërtetë po shpresonim që ai do ta mbijetonte. Ju nuk e keni idenë se sa e dëshpëruar dukej [gruaja e tij].”
Amati tha se një grua e re që e identifikoi veten si infermiere ndihmoi Beqirin dhe ushtroi presion në plagët e tij.
Një burrë 24-vjeçar, i cili gjithashtu jeton afër dhe nuk dëshiroi të identifikohej, tha se në një moment ishin rreth 10 persona të mbledhur jashtë duke u përpjekur të telefononin 999.
Supt Richard Smith, nga njësia e komandës jug-perëndim, tha: “Nuk ka pasur informacione se ekziston ndonjë rrezik i vazhdueshëm për anëtarët e komunitetit lokal në Battersea.