Në këto ditë festash, kur të gjithë gjenden pranë familjeve duke festuar, disa prej banorëve të prekur nga tërmeti i 26 nëntorit janë duke i kaluar këto festa në ambientet e hoteleve ku janë akomoduar prej 1 muaji deri në ndërtimin e banesave të reja brenda vitit 2020, të cilat do të ngrihen përmes planit të rindërtimit.
Në këto ditë atmosfere festive, Ministrja e Shtetit për Marrëdhëniet me Parlamentin, njëherazi kryetare e PS Tiranë, Elisa Spiropali, ka vizituar familjet e prekura nga tërmeti, të akomoduar në hotel “Pishat e Buta”, të Golemit.
Spiropali ka kaluar disa momente të veçanta më ta, ku pas drekës së kaluar me fëmijët, kanë shijuar tok sëbashku disa momente festive organizuar nga talentet e shkollës Gustav Mayer, e më pas bashkë me Drejtoreshën e Përgjithshme të Shërbimit Social Shtetëror, znj. Luneda Sufali kanë shpërndarë dhurata për të gjithë fëmijët.
Në rrjetin social facebook, Ministrja shkruan se viti 2020 do t’i gjejë këto familje me banesa të reja e të sigurta. Ajo gjithashtu është shprehur se ka ndjërë në këtë festë një kënaqësi që s’e përshkruan dot me fjalë.
Postimi i plotë:
“#TiNukDoJeshKurrëVetëm 🇦🇱🎄Golem, Kavajë- Pranë familjeve që mbetën pa strehë si pasojë e tërmetit të 26 nëntorit, të akomoduara në hotel, 2020 do t’i gjejë me banesa të reja 🏠 e të sigurta.Kaluam disa çaste festive fantastike, ku kënaqësinë që na përshkoi, dot s’e përshkruaj.”
https://www.facebook.com/espiropali/posts/10159150246117926