Albano Bogdo është një nga aktorët e humorit më të dashur për publikun shqiptar. Para disa kohësh ai ka patur një periudhë të errët në jetën e tij. Pjesën më të madhe të ditës ai rrinte gjithmonë tapë, duke u kthyer në një alkoolist.
I ftuar në emisionin “ThumbOn” në RTV Ora, ai ka treguar si arriti të hiqte dorë nga alkooli dhe së ishte në një gjendje aq të keqë sa ndiheshe si një njeri pa prespektivë.
“Alkooli është si puberteti. E nis të pëlqen dhe e shton pastaj. E nisa me një shishe dhe vajta në konsumimin e katër shisheve në ditë. Në shumicën e rasteve pija vetëm. U zgjova një ditë dhe thjesht e lashë. E kuptova që isha shndërruar në njeri pa perspektivë. E lashë pa klinikë dhe pa ndihmë, brenda ditës. Kur ke moment të vështirë nuk ke lekë të pishë 4 shishe në ditë. Jam i lumtur që e kam hedhur pas krahëve atë periudhë. Ditën e shfaqjes nuk pija asnjë pikë. Sa mbaronte shfaqja filloja.
Kur bëhesha tap bëja gjeste idiote, që s’jam krenar që i kam bërë. Shkoja i ulesha çifteve në tavolinë dhe i thoja asaj: Ku e ke gjetur këtë idiotin, ti je 2 metra femër. Shikoja një gocë dhe i ulesha në tavolinë. Jemi zënë jemi qëlluar, me grushta kështu. Kam përfunduar edhe në rajon”, përfundon Albano.