Xhimi Isiu i njohur edhe si Gëzim Mejdani, që u arrestua sot në zonën e Freskut nga Policia e Tiranës nuk është një emër i panjohur për Policinë e Shtetit. Dosja.al ka zbardhur të shkuarën kriminale të 35-vjeçarit që vetëm dy vite më parë vuri në lëvizje shtetin italian.
Grupi i Isiut u godit në vitin 2017, në kuadër të operacionit “Gjarpër tymi”, që u zhvillua nga Policia italiane, Guardia di Finanza dhe me informacione të përcjella nga policia shqiptare.
Në vitin 2017 karabinierët italianë arrestuan 21 persona mes tyre tre shqiptarë, ndërsa katër shqiptarë të tjerë u shpallën në kërkim.
Shqiptarët e arrestuar ishin Luan Çika alias Luan Hyseni 36 vjeç, Everton Ndreraj 26 vjeç dhe Eduard Shehaj 39 vjeç. Ndërsa, ata që u shpallën në kërkim ishin Xhimi Isiu që u vu në pranga sot, në atë kohë 33 vjeç, dhe Arian Demiri 30 vjeç, Altin Xoxa 47 vjeç e Mirjan Xhemalaj 56 vjeç.
Grupi trafikonté kanabis në Napoli nga Holanda, ndërsa héroinën e merrnin nga Turqia. Në nëntor të 2017 sekuestroi më shumë se dy ton léndë narkotike hashash në Ravenna të Italisë. Gjithashtu u sekuestruan të mirat materiale të grupit, si: 500 mijë euro pasuri; 2 apartamente, 1 makinë, 65 llogari bankare 18 mijë Euro kesh dhe 3 kompani.