Policia e Fierit ka zbardhur ngjarjen e 30 dhjetorit, ku në fshati Dukas u qëllua me armë zjarri drejt një personi.
Sipas policisë dy autorët e dyshuar tashmë janë në pranga dhe bëhjet fjalë për dy të rinj nga Patosi.
NJOFTIMI I PLOTE
Patos, Fier
Policia zbardh ngjarjen e ndodhur në datë 30.12.2019 ku në fshatin Dukas, Patos, dy shtetas kanë qëlluar me armë zjarri në drejtim të një shtetasi tjetër.
Arrestohen nga policia dy autorët e dyshuar.
Sekuestrohet arma me të cilën dyshohet se kanë qëlluar autorët.
Specialistët për Hetimin e Krimeve të Rënda në Drejtorinë Vendore të Policisë Fier, pas kallëzimit të marë nga shtetasi A.H se dy persona kanë qëllur në drejtim të tij me armë zjarri, organizuan punën dhe bën të mundur identifikimin dhe arrestimin e shtetasve:
A. G., 34 vjeç, banues në Patos.
V. L., 34 vjeç, banues në Patos.
Arrestimi i këtyre shtetasi u bë pasi për motive të dobëta, në fshatin Dukas, Patos, dyshohet se në bashkëpunim me njëri tjetrin, kanë qëlluar me armë zjarri në drejtim të shtetasit A.H, 60 vjeç, banues në Patos.
Në cilësinë e provës materiale u sekuestrua një armë gjahu, një gëzhojë dhe dy fishekë.
Materialet i kaluan Prokurorisë pranë Gjykatës së Shkallës së Parë Fier për veprën penale “Vrasje e kryer në bashkëpunim e mbetur në tentativë “