Një zjarr ka përfshirë një banesë në fshatin Kuqar të Patosit mbrëmjen e kësaj të enjteje. Burimet për Abc News thanë se dyshohet është banesa e autorit të masakrës së Patosit, Martin Skendaj.
Ky i fundit, më datë 19 Dhjetor vrau në poliklinikën e Patosit, dy persona. Martin Skendaj, ish-gardian i burgut të Fierit u arrestua nga policia pas krimit të dyfishtë.
Sa i përket zjarrit të sotëm, burimet thanë se banesa është djegur plotësisht, por nuk ka persona të lënduar. Familja Skendaj pas ngjarjes së rëndë është larguar nga banesa nga frika e hakmarrjes. Ngjitur me familjen e autorit të krimit jeton dhe njëra prej familjeve të viktimave.
Shkaqet e zjarrit nuk janë përcaktuar ende, pra nuk dihet nëse është aksdental apo i qëllimshëm.