Një 27-vjeçar ka tentuar të kalojë kufirin përmes Rinasit me 20 mijë euro në çantën e shpinës, duke mos i deklaruar ato.
Sipas burimeve zyrtare i riu nga Durrësi është zgjedhur për një kontroll të dytë nga autoritetet ku dhe i është gjetur shuma e padeklaruar.
NJOFTIMI
Rinas
Policia Kufitare e Rinasit parandalon një rast të transfertës së parave jashtë shtetit, në mënyrë të kundërligjshme.
Evidentimi, si rezultat i masave të shtuara, në zbatim të planit të masave për parandalimin dhe goditjen e paligjshmërisë.
Sekuestrohen 20000 euro, procedohet penalisht një 27-vjeçar.
Shërbimet e Policisë Kufitare të Rinasit, në dalje të RSH-së, gjatë kontrolleve të ushtruara kanë përzgjedhur për kontroll në vijën e dytë, shtetasin F. K., 27 vjeç, banues në Durrës.
Gjatë kontrollit të ushtruar, shtetasit të lartpërmendur iu gjet në çantën e shpinës shuma monetare prej 20000 eurosh, që ishte e padeklaruar në doganë.
Në përfundim të veprimeve të para hetimore të kryera nga specialistët e Policisë Kufitare në Rinas, materialet në ngarkim të këtij shtetasi i kaluan prokurorisë, për veprime të mëtejshme, për veprën penale “Mosdeklarim i vlerave monetare në kufi”.