Ministrja e Drejtësisë Etilda Gjonaj në një konferencë të posaçme për shtyp për mediat bëri të ditur se i ka kërkuar KLGJ-së pezullimin e gjyqtares që liroi Endrit Doklen, marrjen e masave për shkarkimin e saj dhe më pas ndjekje penale.
Ajo tha se lirimi i të dënuarve me burgim të përjetshëm është një kambanë alarmi për drejtësinë.
“Lirimi në shkelje të ligjit i të dënuarve me burgim të përjetshëm fenomen gjithmonë e i shpeshtë kohën e fundit, kambanë alarmi për gjendjen e rëndë ku ndodhet drejtësia, nevojën e thellë për këtë spastrim të radhëve të gjyqësorit”, tha Gjonaj.
Ajo shtoi se është ankuar për gjyqtaren Enkelejda Hoxha që në janar të vitit 2018 kur e njëjta gjyqtare nxori nga burgu një tjetër të dënuar, Genci Tafilajn.
“Sjellë në kujtesën e publikut se shqetësimi për Enkelejda Hoxha që në 8 janar 2018 pas publikimi të lajmit të lirimit të një tjetri të dënuari me burgim të përjetshëm Genci Tafili. Zyrtarisht i jam drejtuar atëherë Inspektoratit të Këshillit në atë kohë KLD duke nisur hetimin disiplinor ndaj gjyqtares Enkelejda Hoxha po duke ndeshur në të njëjtën heshtje dhe papërgjegjshmëri”, tha më tej ministrja.
Më 15 janar tha ministrja i është drejtuar KLGJ-së për pezullimin e menjëhershëm të gjyqtares jyatr dhe shkarkimin nga detyra me qëllim mostolerimin e asnjë vendimi të tillë që sfidon procesin e reformimit të sistemit të drejtësië dhe punën e përkushtuar të institucioneve të reja. Gjonaj tha se i ka kërkuar prokurorisë ndjekjen penale të gjyqtares.