Këshilli i Ministrave ka miratuar vendimin për kalimin e të drejtës së pronësisë në favor të subjekteve përfituese, për 618 (gjashtëqind e tetëmbëdhjetë) parcela ndërtimore të objekteve të legalizuara dhe kompensimin financiar të pronarëve të pasurive të paluajtshme që preken prej tyre.
Sipërfaqja e përgjithshme që kompensohet është 26 mijë e 416 metra katrorë dhe vlera e kompensimit financiar është 229 milion e 260mijë lekë.
Për kompensimin e pronarëve përdoren po ato të ardhura që arkëtohen nga drejtoritë vendore të Agjencisë Shtetërore të Kadastrës, si rrjedhojë e kalimit të pronësisë nëpërmjet shitjes së parcelës ndërtimore, si për pasuritë shtetërore, edhe për pasuritë e të tretëve, në favor të objekteve informale që legalizohen.
Kadastra Shqiptare ka publikuar listën e emërorë të 618 përfituesve të kalimit të së drejtës së pronësisë dhe masën e vlerën e shpërblimit për subjektet që kompensohen.