Tre makina janë përplasur në hyrje të rrugës së Kombit në Milot, ku janë plagosur dy persona.
Të plagosurit janë dërguar në spitalin e Laçit. Dyshohet që shkak i aksidentit të ketë qenë parakalimi i gabuar, ndërsa një prej të plagosurve mësohet se ka marrë plagë të rënda në njërën këmbë.
Policia mbëriti në vendngjarje, ndërkohë që aksidenti ka shkaktuar radhë të gjata.