Në të ardhmen ekranin mund ta përdorim direkt në sy, falë një lenteje kontakti që integron një ekran të madh sa një grimcë rëre.
Ideja është e një startup të quajtur Mojo Vision, që synon një dalje në treg brenda pak vitesh. Lentet tentojnë të kalojnë nevojën e syzeve për të hyrë në botën e realitetit virtual. Informacionet e nevojshme për përdoruesin do të shfaqen direkt në fushën vizive.
Kompania që ka mbledhur mbi 100 milionë dollarë investime ka treguar prototipin që është ende në fazën e zhvillimit, për disa gazetarë amerikanë. Ekrani është menduar të projektojë pamje në retinë; që nga të dhënat e rrugës tek rezultatet sportive, nga moti tek niveli i glicemisë, nga mesazhi që sapo u ka ardhur në një përkthim në kohën reale.
Lente e kontaktit integron një seri komponentësh, mes të cilave dhe një bateri që mund të rikarikohet brenda një mbajtëse lentesh, por dhe në mënyrën vvireless me një varëse. Ndërsa lidhja me internetin do të bëhet me një smartphone apo ndonjë pajisje tjetër. Përdoruesit e mundshëm mund të jenë shumë që nga zjarrfikësit në veprim tek 285 milionë njerëz në botë, që sipas OBSH-së, kanë probleme me shikimin.