Një 40-vjeçar është vënë në prnga pasi ka përndjekur bashkëshorten e tij me të cilën është në proces divorci. Ai ka kërcënuar dhe djalin e tyre të mitur 13-vjeçar.
Ndërkohë një 44-vjeçar është vënë në pranga pasi ka dhunuar fizikisht dhe psikologjikisht bashkëshorten e tij 30-vjeçare në sy të fëmijëve të mitur. Ngjarjet kanë ndodhur në Lushnje dhe në Fier.
NJOFTIMI I PLOTE
Fier
Ushtrojnë dhunë ndaj bashkëshorteve të tyre, arrestohen në flagrancë nga policia.
Specialistët për Hetimin e Krimeve në Komisariatin e Policisë Fier, arrestuan në flagrancë shtetasit:
•A. Th., 40 vjeç, banues në Lushnje.
Arrestimi i këtij shtetasi u bë pasi ka përndjekur bashkëshorten e tij, shtetasen B. TH., 40 vjeçe, banuese në Fier (të cilët janë në proces divorci) si edhe ka kërcënuar djalin e tyre të mitur 13 vjeç.
•I. M., 44 vjeç, banues në Fier.
Arrestimi i këtij shtetasi u bë pasi në mënyrë të përsëritur ka ushtruar dhunë fizike dhe psikologjike në prani të fëmijëve të tyre të mitur ndaj bashkëshortes së tij, shtetases A. M., 30 vjeçe.
Materialet i kaluan Prokurorisë pranë Gjykatës së Shkallës së Parë Fier për veprat penale “Dhunë në familje” dhe “Përndjekja”