Nënkryetarja e Kuvendit Vasilika Hysi i kërkon Ministrisë së Arsimit që të marrë masa të menjëhershme që të mos ketë raste të dhunës seksuale në adoleshencë.
Nisur nga vendimi I dhënë dje nga gjykata për 7 të rinjtë që abuzuan seksualisht në grup me një minorene për disa ditë, deputetja socialiste thekson se Ministria e Arsimit duhet te marre masa urgjente ne lidhje me edukimin ligjor te nxënësve qe te mos ndodhin kurrë me raste si ky.
“Dhuna në marrëdhëniet intime në adoleshencë është një fenomen me pasoja të rënda për të dhunuarën, por edhe për dhunuesit kur përballen me ligjin. Edukimi ligjor i adoleshentëve duhet të jetë prioritet i shkollës shqiptare. Ministria e Arsimit duhet të marrë masa urgjente në lidhje me edukimin ligjor të nxënësve që të mos ndodhin kurrë më raste si ky”, thekson Hysi.