Një burrë në kërkim të dashurisë ka blerë një billboard buzë rrugës ku shfaqet një foto e tij duke kërkuar një takim.
Mark Rofe vendosi të paguajë 425 £ për reklamën e madhe në një rrugë me trafik në Manchester.
30-vjeçari nga Sheffield shpreson se ky veprim i tij do të shtyjë ndonjë vajzë që të bëhet bashkëshortja e tij e ardhshme.
“Më kanë kontaktuar më shumë se 100 njerëz. Fatkeqësisht gjysma janë burra, por unë jam i kënaqur”, tha ai.
“Si çdo ide e mirë ajo filloi në pijetore,” shpjegoi Mark Rofe.
“Unë po flisja me shokun tim duke thënë se si isha duke provuar në të gjitha këto aplikacione takimesh dhe bëra shaka se duhet të vendosja fytyrën time në një tabelë të madhe.
“Ne qeshëm për këtë, por atëherë në të vërtetë mendova se çfarë ideje e mirë.”
Billboard, i cili është në Fairfield Street, përmban një fotografi të Markut dhe orienton pretendueset e mundshme në drejtim të faqes së tij të internetit DatingMark.co.uk – slogani i tij është “Një njeri, një billboard, një mision”.
Uebfaqja e tij përmban një biografi ku ai e përshkruan veten si “jashtëzakonisht të bukur dhe modest”
Ai tha: “Disa njerëz mund të mendojnë se jam i çmendur duke paguar 425 £, por nëse e gjej dashurinë, atëherë është mjaft e lirë. /tirananews.al
