Forcat e Armatosura kanë ndërtuar urën “bailey” mbi lumin Fan duke i ardhur kështu në ndihmë 900 banorëve të fshatrave të Klosit dhe Fanit.
Në një postim në rrjetet sociale ministrja e Mbrojtjes Olta Xhaçka thotë se krahas shërbimeve të përditshme kjo urë do të lidhë ata me pjesën tjetër të Shqipërisë përmes rrugës së Kombit.
POSTIMI I XHACKES
Forcat e Armatosura të Shqipërisë përfunduan ndërtimin e një ure “bailey” 24 metër të gjatë mbi lumin Fan, duke u ardhur në ndihmë rreth 900 banorë të fshatrave Klos e Fan, të cilët do ta kenë më të lehtë lëvizjen në shkolla, qendrat shëndetësore, apo për t’u lidhur me pjesën tjetër të Shqipërisë përmes Rrugës së Kombit.
Ura e sapopërfunduar është e fundit nga 16 të tilla të ndërtuara nga FA gjatë 2 viteve të fundit, të cilat i kanë lehtësuar komunikimin 60 mijë banorëve në zonat rurale, nga jugu në veri të vendit.
FA në krye të detyrës!