Policia Rrugore ka vënë në pranga 37 persona për shkeljet e konstatuara gjatë drejtimit të mjetit, prej të cilëve 19 në gjendje të dehur, 16 pa patentë dhe dy për korrupsion. Këto janë rezultatet e një jave të kontrolleve të rrepta të rrugores.
Në funksion të kontrolleve të alternuara parandaluese janë verifikuar dhe:
Janë arrestuar 37 drejtues mjetesh dhe motomjetesh, nga të cilët 19 në gjendje të dehur, 16 të papajisur me leje drejtimi, si dhe 2 drejtues mjetesh për “Korrupsion aktiv ndaj personave që ushtrojnë funksione publike”.
• Janë pezulluar 157 leje drejtimi, nga të cilat 53 për drejtim mjeti nën efektin e alkoolit, 70 për shpejtësi mbi normat e lejuara, si dhe 34 për shkelje të tjera të rregullave të qarkullimit rrugor.
• Janë proceduar administrativisht 158 drejtues motomjetesh, për mospërdorim të kaskës mbrojtëse.
• Janë proceduar administrativisht 78 drejtues mjetesh, për shkelje semafori.
• Janë proceduar administrativisht 213 drejtues mjetesh, për përdorim të aparatit celular gjatë drejtimit të mjeteve.
• Janë proceduar administrativisht 115 drejtues mjetesh, për mosdhënie përparësie ndaj këmbësorëve.
• Janë proceduar administrativisht 2292 mjete, për pushim dhe qëndrim të gabuar.