Ka shkuar në katër numri i të arrestuarve për ngjarjen e të mërkurës mbrëma në Shkodër, ku mbeti e plagosur një kalimtare 35-vjeçare.
Sipas policisë së Shkodrës është arrestuar L.L., 27 vjeç. Emri i tij ka dalë gjatë hetimeve ku u zbulua se është ai që i ka pritur nga Durrësi personat e atentatit dhe u ka treguar se ky ndodhej objektivi.
NJOFTIMI I PLOTE
Shkodër
Vijon operacioni policor “Reagimi”, shkon në 4 numri i të arrestuarve për ngjarjen e datës 05.02.2020.
Në vijim të hetimeve, nga strukturat e Policisë është bërë arrestimi i shtetasit:
L. L., 27 vjeç, banues në lagjen Tepe, Shkodër.
Arrestimi i tij u bë, pasi gjatë veprimeve hetimore ka rezultuar qe më ndërmjetësinë e këtij shtetasi, personat e arrestuar kanë shkuar në Shkodër, ku dhe kanë shkëmbyer zjarr më armë, me shtetasin M. M.
Materialet iu referuan Prokurorisë së Rrethit Gjyqësor Shkodër, për veprime të mëtejshme.