I martuar prej 27 vitesh, dhe baba i dy vajzave tashmë të rritura, prezantuesi i njohur televiziv Phillip Schofield ka pranuar mes lotësh në emision live se është gei.
Vetëm pak orë para se të shfaqej në “This Morining”, gazetari britanik e përgatiti audiencën për atë që do të fliste.
“Kurrë nuk mund ta dini se çfarë po ndodh me jetën e dikujt që duket si perfekte. Me forcën dhe mbështetjen e gruas dhe vajzave të mija, kam pranuar se jam gei,” shkruan 57 vjeçari në një postim në Instagram.
Ndërkohë, gjatë intervistës në programin e mëngjesit ku koleget e tij i qëndruan pranë, Phillip tha se ka vuajtur për një kohë të gjatë “konfliktin e brendshëm”, e se tani “do të festojë e do jetë krenar”, pavarësisht se nuk është gati për një lidhje të re, pasi pranimi i homoseksualitetit të tij është një proces i gjatë.
