Policia e Elbasanit ka vënë në pranga një 44-vjeçar i cili transportonte në mënyrë të paligjshme katër marokenë.
Sipas policisë ai është ndalur në aksin rrugor Korçë-Librazhd, ku si pasagjerë ndodheshin dhe shtetasit e huaj që si destinacion kishin Tiranën.
NJOFTIMI I PLOTE
DVP Elbasan
Specialistët për Hetimin e Trafiqeve të Paligjshme në Drejtorinë Vendore të Policisë Elbasan, në bashkëpunim me shërbimet e Komisariatit të Policisë Librazhd, në bazë të informacioneve të marra se një shtetas transportonte shtetas nga vendet e treta, kanë organizuar punën duke bërë arrestimin në flagrancë të shtetasit G. M., 44 vjeç, banues në fshatin Libonik, Maliq, pasi në aksin rrugor Korçë-Librazhd, me automjetin tip “Benz” po transportonte 4 shtetas maroken nga Korça në drejtim të Tiranës.