Policia e Shkodrës ka vënë në pranga një 42-vjeçar teksa ishte duke hyrë në territorin shqiptar.
Burime pë tirananevvs.al bëjnë të ditur se bëhet fjalë për Endri Lesha, emri i të cilit figuron në përgjimet e grupit të fajdeve të Shkodrës, ku janë përfshirë djemtë e ish prefektit Paulin Radovani.
Ndaj Leshajt është caktuar masa arrest me burg për akuzën e “Ushtrim pa liçensë i veprimatrisë bankare me pasoja të rënda, e kryer në bashkëpunim” dhe “Pastrim i produkteve të veprës penale”.
Ndërkohë nga përgjimet e publikuara në atë kohë del se Endri Lesha dhe Andri Bala takojnë Radovanin dhe i thonë se djemtë e tyre i kanë marrë 43 mijë euro. Madje Lesha thotë se fillimisht i kanë pasur me interes 5% dhe më pas shkonte 10%.
Lexo edhe- Shkodër/ “Fajdexhinjtë” flasin në gjykatë: Djemtë e ish-prefektit, drogë e kumar!
Pesë ditë më vonë Lesha dhe Bala nga vëzhgimet policore shfaqen në fabrikën e Radovanit duke i treguar dhe një foto të makinës së djalit që ishte bërë në aeroportin e Podgoricës, ku i kërkuan që ta merrnin ata.
NJOFTIMI I PLOTE
Shkoder
Policia kufitare ndalon një person të shpallur në kërkim
Nga sherbimet e PKK Hani i Hotit, në hyrje të R.Sh, u ndalua shtetasi në kërkim E. L. 24 vjeç, banues në lagjen “Qemal Stafa”, Shkodër.
Ndalimi i tij u bë pasi Gjykata e Rrethit Gjyqësor Shkodër, me vendim Nr.148 (1296), datë 12.03.2019, ka caktuar masën e sigurisë “Arrest në burg”, për veprën penale “Ushtrim pa liçensë i veprimatrisë bankare me pasoja të rënda, e kryer në bashkëpunim” dhe “Pastrim i produkteve të veprës penale”.
Materialet iu referuan Prokurorisë pranë Gjykatës së Shkallës Parë Shkodër për veprime të metejshme.