Anëtari i KLP-së Tartaj Bazaj do të pushtonte gjithë mediat javën e kaluar me ankesën e tij se nuk kishte marrë ftesat e vitit të ri si dhe me problemet që kishte me tollonat e naftës. Por duket se “perlat” e tij nuk kanë fund.
Ditën e sotme, Bazaj është fotografuar teksa konfliktohet për vendin e parkimit para Prokurorisë së Përgjithshme.
Duke mos gjetur vend, ai ka telefonuar Policinë Bashkiake, e cila ka ndërhyrë për zgjidhjen e problemit.
Një automjet i cili kishte parkuar dysh i kishte zënë Bazajt daljen nga vendi i parkimit. Hallet e shumta që i kanë rënë mbi kurriz, duket se kanë ezauruar edhe nervat e anëtarit të KLP-së i cili ka nxituar që të thërrasë organet zbatuese të ligjit.
